الكوبلن الخارجي VS الكوبلن الداخلي 
===========================
طيب بإختصار شديد ومن الاّخر #الكوبلن_الداخلي هو اللي بيربط الفتيس بالموتور يعني عن طريقه الحركة بتوصل من الفتيس للموتور بالتنسيق مع عمود الكرنك اللي هو الـ RPM اللي بيبقي حضرتك أنت وهو في لوحة العدادات .. طيب ده بالنسبة لحلقة الوصل بين الفتيس والموتور .. طب بالنسبة للكاوتشات بقي إيه اللي هينقلها الحركة من الموتور .. أيوة بظبط هو #الكوبلن_الخارجي اللي بياخد حركة الموتور اللي الموتور نفسه بياخدها من الفتيس عن طريق الكوبلن الداخلي .. وصلت كدة 
===========================
طيب أنا ميهمنيش غير إنك تعرف أعراض تلف كل واحد فيهم إيه عشان محدش يشتغلك 
===========================
"الكوبلن الداخلي" لما عمره الإفتراضي بينتهي بتلاقي صوت رزع أو تخبيط في بداية الحركة أو مع التعشيق المستمر هتحس بصوت حاجة بترزع تحت منك وده بيبقي بسبب إن الصليبة الداخلية للكوبلن اللي ماسكة في الفتيس بدأت تتاكل خلاص ولو أستمر العيب كدة ومحدش أهتم بيه هتوصل لطقطقة مستمرة طول ما أنت ماشي بالعربية لحد ما الكوبلن يفرط ويخرج من مكانه .. وعلي فكرة أنت نفسك وأنت سايق هتحس إن الصوت جاي من الموتور من جوة ..
===========================
"الكوبلن الخارجي" لما عمره الإفتراضي بينتهي بتلاقي مع الملفات صوت طقطقه وأنا هنا بقول أهو مع الملفااااات يعني وأنت كاسر الطارة وبتلف بالعربية هتسمع صوت حاجة بتعمل تكتكتكتكتكتكتكتكتكتكتك "صوت مستفز كدة" 
..
..
طب لو إحنا أهملنا الكوبلن الخارجي إيه اللي هيحصل ؟؟ اللي هيحصل إن الطقطقه دي هتتحول إنها مش بس هتبقي مع الملفات بس دي هتبقي كمان وأنت ماشي في طريقك عدل هتسمع نفس الصوت اللي كنت بتسمعه وأنت بتلف وطبعاّ دي مش بداية مبشرة لأن مع بداية سماعك للصوت ده في العدل يعني في أقل من الثانية الكوبلن هيفرط وهتلاقي الفردة أتكسرت لجوة وطبعاّ دي كارثة لو حصلت وأنت ماشي علي سرعة عالية ..
________________________
إرسال تعليق