لو بتسوق مانيوال إوعى تعمل كده ... 
ما تريحش رجلك ع دواسة الدبرياج وانت سايق ؛ بمعنى تاني متحملش ع الدبرياج
العربيات المانيول بتنقل الحركة من المحرك للفتيس عن طريق الدبرياج (طقم الدبرياج) اللي بيتكون من ( اسطوانة ،ديسك وبلية ) ، و بيتم نقل الحركة عن طريق الاحتكاك . لما تضغط على دواسة الدبرياج القطع دي بتبعد عن بعضها فتفصل الحركة بين المحرك و والفتيس .
لكن لما ترفع رجلك عن دواسة الدبرياج هنا بقى يبداء الاحتكاك تاني بين الديسك و الاسطوانة و الحدافة (Fly Wheel ) و كل لما ترفع رجلك اكثر كلما زاد الاحتكاك لحد ما تمسك كلها في بعضها فتنقل الحركة للعجل مع اقل فقد للقدرة (سواء عزم أو سحب) .
سامع واحد بيقول و ايه المشكلة ؟؟؟ 
باروما بيقوللو
لما بتسيب رجلك او تريحها علي دواسة الدبرياج وانت سايق ، مع الوقت هتريح أكتر و تزود الضغط علي دواسة البرياج حتى لو بنسبة قليلة و ده هيسبب قلة او فقد للاحتكاك بين الديسك والاسطوانة و الحدافة .
فبدلا من تماسك الأجزاء دي مع بعضها ؛ الضغطة البسيطة دي هتسيب مسافة بينهم قليلة و ده هيخليها تنزلق فبالتالي هترفع حرارتهم و تتسبب في تأكل كل المجومعة أو أجزاء منها .
وعشان تغير طقم الدبرياج هتحتاج طبعا انك تفك الفتيس كله ودي فبها تضييع لفلوسك وعمرك ووقتك وكمان مجهودك حتى لو قاعد بتتفرج والأسطى كل شوية يقولك تشرب ايه يا باشمهندز.
عشان كده بنشوف بعض العربيات لو مكانش كلها مخصصة مكان عشان تريح رجلك الشمال
ودلوقتي كلنا نقول مع بعض في نفس واحد ( أوعى تريح ع الدبرياج )
1- الحدافة Fly Wheel
2-الأسطوانة Clutch Desk
3-الديسك Pressure Plate
إرسال تعليق