1 - طبعا احنا قولنا قبل كدة فى حوار تغيير زيت الفتيس و قولنا ان اللى افتكس ان زيت
الفتيس بيتزود دة مش طبيعى
و ان الزيت بتاع الفتيس بيفقد خواصة ذى اى زيت
و الصح انة كل 50 الف كيلو يتغير بالفلتر و المصفى بتاعتة
2 - بلاقى ناس كتير لما بتيجى تركن مثلا
بيكون عاوز يرجع بضهرة فا طبيعي يكون علي R و يحب فجأة يطلع بوشة فا يجيب الـ D مرة واحدة
بدون توقف و العكس برضة دة غلط جدا على تروس الفتيس D لل R يعنى بينقل من
مع الوقت التروس بتتاكل و برضة انت كدة بتعمل ضغط علية
مع الوقت هتلاقى عمر فتيسك بيقل و ترجع تلعن فى العربية و هى ملهاش ذنب
الحوار كلة سوء استخدام منك
3 - لو عربيتك فيها الـ L و الـ 2 و 3
ابقي استخدم الـ L في المطالع القوية زي مطلع الجراج مثلا
و لو طالع مطلع كوبري مثلا هات الـ 3 و بلاش الـ D
طب لو مش عندي الارقام دي ؟
ممكن تشغل الاستيبترونيك
طب لو معنديش كل دة و اوتوماتيك بس يبقي خلاص هتبقي علي الـ D هتعمل اية يعني 
4 - الحرق على الغيار
متفتكرش انك راكب مانيوال و تحرق كتير ب الاوتوماتيك
كدة انت بتحرق زيت على الفاضى و التروس بتتضعف مع الوقت
المانيوال هو بتاع اللعب
5 - ازاي تركن بالاوتو ؟ او ازاي تقف الوقفة الصح ؟
في ناس بتوقف العربية علي P بس و مش بتشد الهاند ولا بتركن صح حتي لو بتشد الهاند لانك لما بتجيب الفتيس علي P انت كدة بتحمل العربية كلها علي ترس ال P و مع الوقت بيتاكل و يضعف
الصح هو انك
fULL BRAKE > N > HAND BRAKE > P
6 - بلاش تـعمل فان ديزل و تجيب الـفتيس علي N و تدوس بنزين علي الاخر و هوووب تجيب الـ D عشان تفرك بالعربية
صدقني انت بعد سنة هتجيب فتيس بالقواعد بتاعتة و انت اللي هتخسر
دول أهم 6 نصايح تمشي عليهم لو راكب اوتوماتيك ..
هتحافظ علي فتيسك و هتحافظ علي اداء عربيتك ..
إرسال تعليق