معظم الناس لما حاجة بتعطل في عربيته 
بيكبر دماغة
بيكبر دماغة
ويقول لنفسه أبقى أعملها مرة واحدة مع حاجة تانية
بقي أو لسة عليها شوية كنوع من الكسل بقي 
أو أياّ كان السبب إيه 
بس هو في الحقيقة الهدف أنهاردة من الموضوع ده إن إحنا عايزين نحط أضرار عدم تغيير القطع التالفة أو إصلاحها أول بأول 
لأن الكسل ده مصيبة 
لأن الكسل ده مصيبة
يعني من الأخر كدة الحاجة اللي أنت بتستني عليها دي ممكن تعمل معاك إيه لو كبرت دماغك تعالوا نبدأ واحدة واحدة كدة ونشوف 
====================
- لو عربيتك محتاجة رجلاش للفرامل الخلفية ومعملتوش ده بيسبب في تعجيل إتلاف التيل الأمامي لأن فيه حاجة بتحمل علي التانية + إنك هتشوف ضعف في الفرملة بشكل ملحوظ.
=-=-=-=-=-=
- لو فيه هوا في دورة الفرامل ومسحبتوش ده بيضر جداّ مع الوقت بمساتر الفرامل وخراطيم الزيت + إنك هتشوف ضعف في الفرملة بشكل ملحوظ.
=-=-=-=-=-=
- لو حسيت إنك عايز تظبط زوايا وترصص والعربية بدأت تحدف منك وطنشت ده مع الوقت هيمسحلك الكاوتشات من أحد الجوانب وبالتالي لو أنت علي سرعة عالية ممكن مع الفرامل العربية متعرفش تسيطر عليها + تغيير الكاوتش بعد فترة قصيرة بالشئ الفلاني 
=-=-=-=-=-=
- لو أتاخرت في ميعاد تغيير الزيت أو أستهونت وبدأ الزيت يبقي زي المياه تأكد إن عمود الكرنك وعمود الكامات والبساتم هيبقوا في معانااااااااه لأنهم طبعاّ شغالين بسرعات عالية ومن غير تزييت فا بالتالي متزعلش لو العربية جابت موتور ورزعت.
=-=-=-=-=-=
- لازم كل فترة تراجع علي رباط قواطيش البطارية لأنها مع المشي والحركة بتاعة العربية بتبدأ تفك وبالتالي معني إنها بدأت تفك يبقي الكهربا بدأت تقل يبقي بالتالي البوجيهات مش هتعرف تخرج الشرارة للحريق بشكل كامل وبالتالي ضعف في سحب الموتور بشكل ملحوظ.
=-=-=-=-=-=
- لو حسيت في مرة بخشونة في شداد الكاتينة وسمعت صوت نحر وطنشت أو مشيت ورا كلام حد ويقولك عادي ممكن في لحظة لأ لحظة إيه !! ده في ثانية سير الكاتينة يقطع 
وكل سنة وأنت طيب أطلع علي الحرفيين بقي عشان هنعمل عمرة كلمة ده إن مجبتش موتور كامل جديد !! 
هتقولي ياااااه كل ده عشان شداد الكاتينة أخشن شوية هقولك ااااه ما هو معني إنه أخشن يبقي حركة السير بدأت تبقي مترددة وبدأ يلعب ومع أستمرار حركة العربية علي سرعات مختلفة السير في ثانية بيتقطع وبالتالي ده معناه كسر في الصبابات وفي البساتم وفي عمود الكرنك وبالتالي موتور جديد.
وكل سنة وأنت طيب أطلع علي الحرفيين بقي عشان هنعمل عمرة كلمة ده إن مجبتش موتور كامل جديد !! هتقولي ياااااه كل ده عشان شداد الكاتينة أخشن شوية هقولك ااااه ما هو معني إنه أخشن يبقي حركة السير بدأت تبقي مترددة وبدأ يلعب ومع أستمرار حركة العربية علي سرعات مختلفة السير في ثانية بيتقطع وبالتالي ده معناه كسر في الصبابات وفي البساتم وفي عمود الكرنك وبالتالي موتور جديد.
=-=-=-=-=-=
- لو بدأت تحس بطقطقه مع كسر العجل وبدأت الطقطقه تظهر وأنت ماشي في العدل وطنشت وكبرت دمااااغك مع الوقت ممكن أووووي في لمحة بصر الكوبلن يفرط منك أثناء المشي ولا تحزن لو عفشتك كلها أتكسرت
إرسال تعليق