افضل برنامج لتشغيل الصوت للاندرويد مجاناً Jetaudio 🎶🎵🎧

رسالة توضيحية لمن يستهينون بتلك الظاهرة..

العربيه بتسك معاك؟؟..

يعني ايه بتسك؟؟.. تقصد بتسقف او بتصفق او بتكرر يعني؟؟.. ايوا .. اللي بيسموها ظاهرة الصفع .. وإيه المشكله؟.. عادي!!..

لأ مش عادي .. لأنه ضار جدا بالمحرك وكمان بينقص الزيت .. لأنه غالبا الصوت بيكون مصحوب بدفعة دخنة لو دققت النظر..

هذا الصوت الناشئ من الكركرة مش تخبيط حديد ف حديد مثلا .. دا صوت إنفجارات في غير موعدها .. (خطأ تزامني) .. زي صوت فرقعة بالونة بإبرة جنب ودن حد نايم مثلا

لان الانفجارات اللي بتبقى في موعدها الصحيح .. بتتزامن مع فتح صمام خروج العادم .. كدا بيتهيألي الفكرة واضحه

طيب اعمل ايه للحيلولة دون حدوث ذلك ؟؟..

التسقيف له أسباب :

- بنزين مضروب (مخلوط بمايه أو 80)..

- أو حرارة سائل التبريد..

- أو تحميل اطارات..

- أو تقديمة سنة سير كاتينه..

- أو تحميل كومبريسور تكيبف او ركاب..

- أو تحميل رولمان بلي محاور..

- أو تلف النوك سينسور (حساس التسقيف)..

- أو تلف بوجيهات وبتعد 3..

- أو سدد فلتر هواء أو فلتر بنزين أو رشاشات..

- او عيب سواق بغيار عالي .. مثلا ماشي سرعه 40كم/ساعه ع الخامس وقاعد يقرص!!

- أو سدد علبة بيئة ..

- بوادر تلف جوان وش سلندر..

وبتكون الكركرة مصحوبة بارتفاع حرارة .. يعني سخونية لاي سبب ينتج عنها تمدد البساتم نتيجة إختلاف مادة صنعها عن مادة تصنيع بلوك المحرك .. فيقل الخلوص بين البستم والشميز للحد الذي يثقل صعوده وهبوطه .. وبالتالي تتأرجح أذرعة البساتم (البيلات) داخل الغرف نتيجة الخلل الناتج من إرتفاع درجة الحراره وتتلف الغرف من الداخل وهنا يتعرض المحرك للتلف الشديد وقد لايجدى معه الأصلاح..

عليه وجب عليك متابعة امبير الحرارة وازالة اسباب ارتفاعها (كوقايه مش علاج فقط) كلما أمكن..

لو بنزين مضروب او 80 احرق معظمه ف الطوالي وكمل التنك 95 وشوف..

لو تحميل ديناميكي مش أوزان زائدة .. ارفع فرده فرده ولفها بايدك بشكل حر او جسها بايدك بعد مشوار لو سخنه وايدك مش متحمله حرارتها..

تحميل فردتين (قدام) تنظف بستم الدشمة أو تلف رولمان بلي أو تسرب شحم كوبلن..

تحميل فردتين (ورا) رجلجهم وبرضو اكشف عن البلي..

لو ظاهرة مستمرة مش مؤقته .. ممكن يكون سير الكاتينه عايز يتحط بشكل صحيح ويكون مفارق سنه مثلا حتى يكون تزامن الشرارة مع رش الوقود وانضغاطه مضبوط مع تزامن فتح صمام خروج العادم..

كمان لما تطلع مقب أو تنزل مطب صعب .. ماتكملش ع الثاني .. سايس الأول وخصوصا لو مشغل تكييف او في مطلع او محملها ركاب (تخه)..

ملحوظه:

مع شغل ((الغاز)) مفيش كركرة أبدا..

وممكن كمان مع الغاز تحط بنزين ٨٠ بدون مشاكل .. تستهلكه وانت ماشي طوالي صريح لو مشوارك اكبر من المسافة المتوقعة