يا تري ايه اللوجو الغريب اللي من تحت علي اليمين دة؟
اكيد انت سالت السؤال دة و احنا هنجاوبك عليه من غير ما تسال ( عشان تعرف بس ان احنا بنحبك و بنقدرك ) ..
في الحقيقة مارك عشان يعرفنا أنه غني و عنده فلوس كتير .. قرر أنه يخلي كل لوجوهات الشركات "الكبيرة" اللي تابعه لفيسبوك تظهر اول ما بتفتح التطبيق ..
زي مثلا WhatsApp و Instagram و كدا و علي طريقة لو كنت مهتم كنت عرفت لوحدك مفيش اي اسماء أو معلومات تحت اللوجوهات ..
و لكن كان في لوجو غريب كدا اقصي اليمين مش معروف لأغلب الناس ..
في الحقيقة دا شعار شركة Oculus .. و اللي تقريبا محدش عارف نطق الاسم دا غير مؤسس الشركة ..
شركة قلقاس دي شغالة في مجال الواقع الافتراضي .. بتطور فيه و من معداته و الخوارزميات اللي شغال عليها
الشركة اتاسست سنة ٢٠١٢ علي يد Palmer Luckey و Brendan Iribe ..
استحوذ فيسبوك عليها سنة ٢٠١٤ مقابل 2.3 مليار دولار!
من اشهر منتجاتها ال Samsung Gear VR بالتعاون مع سامسونج و اللي نجحت بشكل كبير ..
كمان تعاونت مع Xiaomi في ٢٠١٧ لإنتاج ال Oculus Go و اللي أطلقت في الصين باسم Xiaomi Mi VR و كانت أول نظارة واقع افتراضي من الشركة بشاشة مدمجة ( مش بتحتاج موبايل عشان تشغلها ) ..
اخر منتجات الشركة هي الOculus Rift S اللي أطلقتها آخر سنة ٢٠١٩ و اللي متفرقش كتير عن ال Oculus Go ..
إرسال تعليق