افضل برنامج لتشغيل الصوت للاندرويد مجاناً Jetaudio 🎶🎵🎧

احذر الدبرياج مع الفرامل

من اكثر الأخطاء انتشارا اثناء القيادة استخدام الدبرياج مع الفرامل والمفترض عدم استخدامه الا في الغيارات او قبل التوقف التام مباشرة لما ندخل اشارة مثلا عشان نمور الفتيس

_شايف واحد هناك اهو رافع ايده وبيسأل ليه؟!! براحة بس اقعد وهجاوبك

بص يا سيدي وظيفة الدبرياج بإختصار فصل الحركة الواصلة من الموتور للفتيس.. تمام كده

لما هتدوس فرامل الموتور له قوة اندفاع بفعل السرعة وهيتحول من اداة مساعدة للفرملة لعبء عليها وعلى العربية لأنه هيسحب العربية للأمام وده هيتسبب في اهلاك وتآكل الفرامل والطنابير وكمان ديسك واسطوانة الدبرياج وتقصير عمرهم الافتراضي وطول مسافة التوقف وده ممكن يتسبب في كوارث في حالة الخطر والفرملة المفاجأة وكمان زحف او انزلاق العربية على الطريق وحالة عدم اتزان..

وزود كمان لو الموتور وقف والسيرفو حجر مش هتحس ان فيه فرامل

_عم علي سواق التاكسي الشاهين منور وشايفك بتضحك وعارف انك فاهم وعلى قديمه ربنا يديك الصحة

اختبار بسيط لو عندك شك في الكلام ده

اجري على سرعة ويكون الطريق فاضي وهات اخر غيار عندك سواء الخامس او الرابع واستخدم الدبرياج مع الفرامل وبعدين كرر نفس العملية بدون استخدام الدبرياج وانت هتعرف الفرق ولن يتوقف الموتور كما يعتقد البعض.. الا في حالة التوقف التام

تعديل للتوضيح : احنا بنقول لا نستخدم الدبرياج مع الفرامل يعني لو افترضنا ماشيين على 120 وعاوز تهدي لسرعة 20 مثلا يبقى هنضغط فرامل عادي جدا حتى السرعة المطلوبة فمن الطبيعي بمجرد ما نرفع رجلنا من على الفرامل نضغط دبرياج في نفس الوقت عشان ننقل للغيار المناسب لسرعتنا